Leifur

Á þessari önn hef ég verið að vinna í landafræði. Við fengum bókina Evrópa, álfan okkar og áttum að lesa í henni. Svo fengum við vinnubók og áttum að svara spurningum úr textanum þar. Fyrst lásum við almennt um Evrópu, s.s trúarbrögð, tungumál og samgöngur. Síðan lærðum við um lönd. Við höfum lært um Bretlandseyjar, Frakkland, BeNeLúx löndin, Spán, Portúgal, Ítalíu, Alpalöndin, SA Evrópu, NA Evrópu og Þýskaland. Kennarinn sýndi okkur alltaf PowerPoint glærusýningu um landið og síðan máttum við byrja í vinnubókinni. Síðan höfum við haft nokkur aukaverkefni. Þar var meðal annars verkefni um staðreyndir Evrópu s.s höfuðborgir Evrópu, hvaða land á flest landamæri og fleira. Síðan áttum við líka að gera verkefni um tvö lönd í PowerPoint. Það mátti samt líka gera í MovieMaker en flestir gerðu í PowerPoint. Við þurftum að velja eitt land sem við vissum lítið um og eitt land sem er í A-Evrópa. Ég valdi Austurríki og Tékkland. Mér fannst samt skrítið að mjög margir voru að velja lönd eins og Bretland, Spán og Frakkland, af því að allir hljóta að vita eitthvað um þau lönd eins og hver höfuðborgin er hvar landið er hver konungurinn er og fleira. Ég þurfti líka að gera verkefni sem kallað var Nördaverkefnið. Þar áttum ég og nokkrir aðrir að lesa bókina if the world were a village. Síðan áttum við að setja upplýsingarnar úr bókinni á plakat. Í bókinni var sagt frá því ef að heimurinn væri hundrað manna þorp. Þar var sagt frá því hve margir hefðu rafmagn hve margir voru frá hverri heimsálfu og fleira. Við erum búin að taka tvö próf í landafræði. Fyrra prófið var almennt um Evrópu og í seinna prófinu áttum við að draga þrjú lönd og skrifa um þau. Eftir nokkra daga munum við taka annað próf um NA Evrópu og Þýskaland.

Mér finnst Evrópuverkefnið hafa verið fínt en ekki svo skemmtilegt.

Í miðönn í Ölduselsskóla lærði ég um Hallgrím Pétursson í íslensku.

Við gerðum Power Point glærusýning um hann og túlkuðum ljóð í myndum eftir hann. Nú ætla ég að segja frá Power Point verkefninu.

Ég lærði mikið um Hallgrím Pétursson eins og til dæmis hvar hann ólst upp og í hvaða skóla hann var. Áður en ég lærði um hann vissi ég mjög lítið um hann. Upplýsingarnar fékk ég á netinu.

Verkefnið vann ég þannig að ég gerði það í Power Point og átti að láta það líta út fyrir að vera gamalt. Ég átti líka að lesa inná glærurnar og setja inná slideshare.

Það sem mér fannst erfitt var að finna myndir um suma hluti eins og til dæmis um uppvaxtarárin. Mér fannst líka svolítið erfitt að tala inn á glærurnar.

Mér gekk vel að setja glærurnar inná slideshare.